Kryetari i Obiliqit, Xhafer Gashi u vaksinua sot kundër COVID-19. Lajmin e konfirmoi Gashi në një shkrim në Facebook, përmes të cilit u bëri thirrje qytetarëve të vaksinohen.
“Në Qendrën e Vaksinimit në Obiliq, sot edhe unë u vaksionova kundër Covid-19, me vaksinën AstraZeneca, nga stafi i shkëlqyshëm mjekësor i QKMF-së të cilët edhe janë shembull në menaxhimin dhe imunizimin e qytetarëve.Ftojë gjitha kategoritë të cilat janë në listën për vaksinim që të aplikojnë dhe të vaksinohen ndaj këtij virusi. Ne jemi drejtë fundit të kësaj beteje dhe do dalim fitues!”, shkroi Gashi në Facebook./UBTNews
