Kryeministrja finlandeze, Sanna Marin i ka bërë thirrje Evropës që t’i ndërtojë aftësitë e saj mbrojtëse në vazhdën e luftës në Ukrainë, teksa shtoi se pa ndihmën e Shteteve të Bashkuara të Amerikës ajo nuk është mjaft e qëndrueshme.
“Ne duhet të sigurohemi që jemi më të fuqishëm. Dhe unë do të jem mjaft e sinqertë me ju, Evropa nuk është mjaft e fortë. Ne do të ishim në telashe pa Shtetet e Bashkuara”, deklaroi ajo mes tjerash.
Vërejtjet e saj erdhën si përgjigje ndaj një pyetjeje në lidhje me përgjegjësinë e Kinës për të “frenuar Rusinë”. Marin tha se edhe pse Kina mund të luajë rol, “Ne nuk duhet të mbështetemi vetëm në këtë”./UBTNews/