Eurodeputetët kanë kritikuar takimin e kryeministrit hungarez Viktor Orban me Vladimir Putin të martën, duke thënë se rrezikon unitetin e BE-së për krizën në Ukrainë, përcjell UBT News.
“Në botën e diplomacisë, data dhe vendi i një takimi të nivelit të lartë, ndonjëherë edhe fakti i thjeshtë, ka një vlerë mesazhi shumë të rëndësishme”, tha eurodeputeti hungarez Márton Gyöngyösi. Por Orban thotë se bisedimet në Moskë janë të nevojshme për të marrë më shumë gaz të lirë nga Rusia.
Javën e kaluar, ministrat e jashtëm të BE-së i dërguan një paralajmërim presidentit Putin se Rusia do të përballet me sanksione ekonomike nëse sulmon Ukrainën. Në shenjë mbështetjeje, Parlamenti Evropian ka dërguar një delegacion në Kiev, me eurodeputeten franceze Nathalie Loiseau duke paralajmëruar Orbanin se nuk duhet të rrezikojë unitetin e BE-së.
“Ne nuk kemi asnjë dyshim, Vladimir Putin po përpiqet të na ndajë. Kështu që unë sinqerisht shpresoj që Viktor Orbán të kuptojë se çfarë është në rrezik dhe se ai do t’i përmbahet mesazhit të unitetit të Bashkimit Evropian”, tha Loiseau.
Megjithatë, partitë opozitare hungareze po i bëjnë thirrje Orbanit të anulojë udhëtimin e tij në Rusi. Ata thonë se ‘kjo tradhton interesat e Hungarisë dhe Evropës’./UBTNews/