Antonio Guterres, sekretari i përgjithshëm i Kombeve të Bashkuara, tha se është “i lumtur” që vizitoi Universitetin Kombëtar të Lviv-it në Ukrainë.
“Isha i kënaqur që pranova ftesën e drejtorit të këtij fakulteti të marrëdhënieve ndërkombëtare të Universitetit Kombëtar shumë të vjetër dhe shumë të respektuar të Lviv”, u tha Guterres gazetarëve në ngjarje të enjten.
“Sot, shumë njerëz mendojnë se vetëm qeveritë kanë rëndësi, por përkundrazi, gjithnjë e më shumë kontributi i shoqërisë civile dhe kontributi i akademisë janë thelbësore në zhvillimin e demokracive moderne”, deklaroi ai tutje.
“Kjo shkollë ka dhënë një kontribut shumë të rëndësishëm, përkatësisht në Kartën e Kombeve të Bashkuara. Një nga anëtarët ishte pjesë e hartimit të kartës dhe këtu u diskutuan vlerat e saj”, tha Guterres./UBTNews/