Will Vernon – BBC
Pak para se ministria e mbrojtjes të njoftonte se tërheqja ushtarake kishte përfunduar, zëdhënësi i Putinit shmangu pyetjet mbi situatën në Ukrainën jugore.
Në vend të kësaj, Dmitry Peskov u tha gazetarëve që t’i drejtoheshin Ministrisë së Mbrojtjes.
Por BBC arriti të pyeste Peskovin se si iu përgjigj Kremlini atyre që thanë se tërheqja nga Kherson ishte një goditje për prestigjin e Putinit, madje një poshtërim?
Peskov tha,“Ka shumë ekspertë të ndryshëm – disa thonë atë që keni thënë, disa thonë gjëra të tjera. Nuk duam të komentojmë asnjërën prej tyre. “Operacioni special ushtarak” vazhdon”.
I pyetur nëse mendonte se ishte një poshtërim për presidentin, Peskov tha jo.
Ishte vetëm në fund të shtatorit që Putini kishte festuar aneksimin e katër rajoneve të pushtuara, përfshirë Kherson, dhe Peskov konfirmoi se Rusia e shihte të gjithë rajonin si ende pjesë të Rusisë./UBTNews/