Kremlini ka thënë se Rusia do ta identifikojë se cili shtet apo shtete qëndrojnë pas shpërthimeve si pasojë e të cilave u dëmtuan tubacionet e gazit Nord Stream dhe do të bëjë gjithçka për të ndaluar, siç i quajti, përpjekjet perëndimore për të “mbuluar” atë që ndodhi.
Tubacionet, që lidhin Rusinë dhe Gjermaninë nën Detin Baltik, u goditën nga disa shpërthime gjatë shtatorit të vitit të kaluar në atë që Moska e quajti një akt terrorizmi ndërkombëtar.
Presidenti i Rusisë, Vladimir Putin ka thënë se beson se SHBA qëndron pas shpërthimeve, por Uashingtoni e cilësoi të rreme këtë deklaratë./UBTNews/