Zëdhënësi i Kremlinit, Dmitry Peskov tha të mërkurën se nuk kishte asnjë shans që presidenti rus Vladimir Putin t’i shpallte luftë Ukrainës më 9 maj, Ditën e Fitores së Rusisë, duke i hedhur poshtë këto raportime si “të pakuptimta”.
I pyetur nga CNN se cilat ishin shanset që Putini të shpallte luftë në Ditën e Fitores, Peskov tha “asnjë”, duke shtuar “Jo, kjo është e pakuptimtë”.
Peskov hodhi poshtë gjithashtu raportet se Putini mund të përdorë Ditën e Fitores për të shpallur mobilizimin në vend.
Analistët dhe zyrtarët perëndimorë thanë më parë se besojnë se më 9 maj, pas më shumë se dy muajsh të atij që presidenti rus e quan “operacion special ushtarak” në Ukrainë, ai kishte mundësi të shpallte zyrtarisht luftë./UBTNews/