Zëdhënësi i Kremlinit, Dmitry Peskov kritikoi të martën planet e NATO-s për të rritur numrin e forcave të gatishmërisë së lartë në Evropë në më shumë se 300,000 trupa.
“NATO është një bllok agresiv, ky është një bllok i krijuar për qëllime konfrontimi dhe vazhdon të demonstrojë natyrën e tij dhe të zbatojë detyrat e veta, të përcaktuara si parazgjedhje”, tha Peskov në një konferencë shtypi në Moskë.
Ai tha se zgjerimi i NATO-s drejt lindjes është një proces që ka qenë në vazhdim për të paktën dy dekada.
“Dhe ky zgjerim zvarritës ka vazhdimësinë e tij, ne e dimë mirë këtë”, tha ai.
Sekretari i Përgjithshëm i NATO-s, Jens Stoltenberg njoftoi të hënën se aleanca ka në plan të forcojë grupet luftarake në kufijtë e saj lindorë dhe të rrisë numrin e trupave të gatishmërisë së lartë nga 40,000 në më shumë se 300,000.
Duke komentuar deklaratën e presidentit të Ukrainës, Volodymyr Zelensky, se ai do të donte që armiqësitë të ndërpriteshin përpara se të fillonte sezoni i ftohtë, Peskov tha se Kievi mund ta ndalojë luftën deri në fund të ditës duke urdhëruar ushtarët që të dorëzojnë armët dhe të pranojnë kushtet e Rusisë.
“Pala ukrainase mund të ndalojë gjithçka deri në fund të ditës së sotme, sepse ky është një urdhër i domosdoshëm që njësitë nacionaliste të dorëzojnë armët, një urdhër që ushtria ukrainase të dorëzojë armët dhe është e nevojshme të përmbushen kushtet të Federatës Ruse dhe gjithçka mund të përfundojë para fundit të ditës”, tha Peskov.
Rusia nuk ka kushte për t’i dhënë fund operacionit të saj të posaçëm ushtarak, por detyrat e përcaktuara janë duke u zbatuar dhe qëllimet e vendosura po arrihen, tha ai. /UBTNews/