Nuk ka informacione të inteligjencës që thonë se presidenti rus, Vladimir Putin, është në gjendje të keqe shëndetësore, tha drejtori i Agjencisë Qendrore të Inteligjencës (CIA), William Burns. Madje ai tha se Putini duket shumë i shëndetshëm.
Kremlini iu është përgjigjur këtyre komenteve, dhe zëdhënësi Dmitry Peskov tha se raportimet “s’janë asgjë tjetër, përveç lajme të rreme”.
Putin u pa duke kollitur gjatë një paraqitjeje publike dhe tha se ishte ftohur lehtë gjatë një vizite në Iran.
“Ishte shumë nxehtë në Teheran dje, plus temperatura 38 gradë Celsius dhe kondicioneri i ajrit ndikoi. Kështu që ju kërkoj falje”, citohet të ketë thënë Putin.
Hulumtimi mbi shëndetin e tij është intensifikuar muajt e fundit dhe vetë presidenti thuhet se është i rrethuar me mjekë. Megjithatë nuk ka diçka zyrtare rreth gjendjes së tij shëndetësore./UBTNews/