Komisioni Qendror i Zgjedhjeve ka bërë të ditur se është shtyrë afati për regjistrimin e votuesve të personave me nevoja të veçanta.
Sipas njoftimit zyrtar, qytetarët që përfitojnë nga ky shërbim kanë mundësinë të regjistrohen deri sot në orën 24:00.
KQZ thekson rëndësinë e përfshirjes së të gjithë qytetarëve në procesin zgjedhor dhe bën thirrje për përkujdesje që çdo votues me nevoja të veçanta të përfitojë nga ky afat shtesë për të siguruar të drejtën e votës.
“Komisioni Qendror i Zgjedhjeve, njofton të gjithë qytetarët e Republikës së Kosovës, se është shtyrë afati për regjistrimin për Votimin e Personave me Nevoja të Veçanta, deri më 06.02.2025, në ora 24:00”, thuhet në njoftim.