Komisioni Qendror i Zgjedhjeve ka njoftuar se ka nisur procesi i regjistrimit për votim të personave me nevoja të veçanta, në kuadër të zgjedhjeve që do të mbahen më 28 dhjetor në Kosovë.
Sipas KQZ-së, qytetarët që për shkak të aftësisë së kufizuar ose nevojave të veçanta nuk mund të votojnë në qendrën e tyre të votimit, mund të aplikojnë për të votuar nga shtëpia përmes ekipeve mobile.
Afati për regjistrim është caktuar nga 11 deri më 21 dhjetor 2025. Aplikimet mund të bëhen përmes platformës zyrtare të KQZ-së: vpnv.kqz-ks.org, ose fizikisht në Zyrën e Komisionit Komunal të Zgjedhjeve.
Për informacione shtesë, KQZ ka vënë në dispozicion këto kontakte:
WhatsApp / Viber: +383 46 13 00 13
Linja pa pagesë: 0800 55 555