Kosova dhe Turqia kanë arritur marrëveshje shtet me shtet (Government to Government), për furnizim me artikuj dhe produkte për shërbime të mbrojtjes. Lajmi u bë i ditur nga Ministria e Mbrojtjes përmes një shkrimi në Facebook.
“Në kuadër të vizitës zyrtare në Turqi, Ministri i Mbrojtjes, Armend Mehaj, ka vizituar Presidencën e Industrisë së Mbrojtjes, ku u prit nga presidenti i këtij institucioni, Ismail Demir, me të cilin kanë nënshkruar marrëveshjen shtet me shtet (Government to Government), për furnizim me artikuj dhe produkte për shërbime të mbrojtjes. Kjo marrëveshje ka rol të jashtëzakonshëm në ngritjen e kapaciteteve të Forcës së Sigurisë së Kosovës“, thuhet mes tjerash në njoftim.
Minsitri Mehaj ka falënderuar shtetin e Turqisë për mbështetjen në fushën e mbrojtjes dhe ka thënë se një mbështetje e tillë është e rëndësishme për synimin e Kosovës për anëtarësim në NATO./UBTNews/