Kosova dhe Serbia duhet ta kenë prioritet dialogun. Kështu ka deklaruar ministrja e Jashtme e Suedisë, Ann Linde pas takimit që ka zhvilluar me emisarin e Bashkimit Evropian për dialogun Kosovë-Serbi, Miroslav Lajçak.
“Një diskutim i mirë me përfaqësuesin special të BE-së, Mirosllav Lajçak, për dialogun Beograd – Prishtinë i lehtësuar nga Bashkimi Evropian. Normalizimi i marrëdhënieve Kosovë – Serbi është rruga para. Dy shtetet duhet ta kenë prioritet dialogun”, ka shkruar Ann Linde në Twitter.
Kurse emisari i BE-së njoftoi se në këtë takim u diskutua për nevojën për të forcuar kredibilitetin e BE-së në rajon, dialogun dhe rolin e rëndësishëm që OSCE-ja luan në këtë fushë.
“Para diskutimit sot në Këshillin e Çështjeve të Jashtme për Ballkanin Perëndimor, jam takuar me ministren e Jashtme të Suedisë dhe kryetaren e OSCE-së, Ann Linde. Kemi folur për nevojën për të forcuar kredibilitetin e BE-së në rajon, dialogun dhe rolin e rëndësishëm që OSCE-ja luan në këtë fushë”, ka shkruar Lajçak në Twitter./UBTNews
Good discussions with EU special representative @MiroslavLajcak on the EU-facilitated Belgrade-Pristina dialogue. Normalisation between Kosovo and Serbia is the way forward. Both countries should make the dialogue a priority. pic.twitter.com/0H4MMqEOWR
— Ann Linde (@AnnLinde) May 10, 2021
Ahead of today’s FAC discussion on the Western Balkans, I met with 🇸🇪 Foreign Minister and @OSCE Chair @AnnLinde. We spoke about the need to strengthen 🇪🇺 credibility in the region, the Dialogue and the important role the OSCE plays on the ground. https://t.co/RHY1X5Z74H
— Miroslav Lajčák (@MiroslavLajcak) May 10, 2021