Koreja e Veriut lëshoi një raketë anti-ajrore të sapo zhvilluar, kështu njoftoi media shtetërore KCNA të premten, e fundit në serinë e saj të fundit të testimeve të armëve, transmeton UBT News.
Ky ishte testi i dytë i armëve në Korenë e Veriut këtë javë, e cila lëshoi një raketë hipersonike të të martën. Ajo ka testuar edhe raketa lundrimi me rreze të gjatë veprimi dhe raketa balistike.
Testet nxjerrin në pah zhvillimin e armëve gjithnjë e më të sofistikuara të Koresë së Veriut, duke rritur rrezikun për përpjekjet për ta shtyrë atë të heqë dorë nga programet e saj bërthamore dhe raketore në këmbim të lehtësimit të sanksioneve amerikane, përcjell UBT News.
Udhëheqësi i Koresë së Veriut Kim Jong Un duket se nuk ka marrë pjesë në provën, e cila u mbikëqyr nga Pak Jong Chon, anëtar i byrosë politike dhe Komitetit Qendror të Partisë së Punëtorëve në pushtet.
Sekretari amerikan i Shtetit, Anthony Blinken, tha se testet e tilla “krijojnë shanse më të mëdha për paqëndrueshmëri dhe pasiguri”.
Ndërsa të mërkurën, Kim tha se nuk kishte arsye për të sulmuar Korenë e Jugut dhe se është i gatshëm të rihapë linjat telefonike të ndërprera në muajin e ardhshëm. Megjithëse ai kritikoi administratën e Presidentit Biden për përdorimin e “mënyrave dhe metodave dinake” në ndjekjen e politikave armiqësore ndërsa propozonte dialog./UBTNews