Koreja e Veriut falsifikoi lëshimin e asaj që analistët e quajtën “raketa përbindësh” javën e kaluar, tha ushtria e Seulit sot, duke shtuar se testi ishte, në realitet, me gjasë e njëjta raketë balistike ndërkontinentale që Pheniani lëshoi në 2017.
Koreja e Veriut të premten e kaluar pretendoi se kishte testuar me sukses një raketë Hwasong-17 – një ICBM me rreze të gjatë që analistët thonë se mund të jetë në gjendje të mbajë disa koka luftarake – të cilën e zbuloi për herë të parë në një paradë ushtarake më 2020.
Por ministria e mbrojtjes e Koresë së Jugut i tha AFP-së se Seuli dhe Uashingtoni tani kanë arritur në përfundimin se lëshimi ishte në të vërtetë i një Hwasong-15, një ICBM që Pheniani testoi në 2017.
Të dy ICBM-të janë potencialisht të afta të godasin territorin e Shteteve të Bashkuara.
Seuli dhe Tokio kishin konfirmuar veçmas në atë kohë se raketa e 24 marsit kishte fluturuar më lart dhe më gjatë se çdo test i mëparshëm – por analistët më vonë vunë në dukje mospërputhjet në llogarinë e Koresë së Veriut.
Njoftimi i rremë ka të ngjarë të ishte një përpjekje e Phenianit për të kompensuar një testim të dështuar më 16 mars, kur një raketë, për të cilën analistët thanë se ishte në të vërtetë Hwasong-17, shpërtheu menjëherë pas lëshimit./UBTNews/