Në kuadër të edicionit të sivjetmë të “Global UBT Fest 2022”, Akademia Ndërkombëtare Verore e Fakultetit Stomatologji në UBT, do të realizojë aktivitete të ndryshme që kanë në fokus stomatologjinë.
Detaje më të hollësishme lidhur me këtë akademi ndau dr.Afërdita Gashi-Rizaj, njëra nga koordinatoret e Summer Academy nga Fakulteti i Stomatologjisë, në programin e mëngjesit në Radio Kosova. Në këtë intervistë u diskutua rreth përgatitjeve, programit, përfitimeve që do të kenë studentët që do ta ndjekin Akademinë Verore këtë vit dhe folësve si vendorë ashtu edhe ndërkombëtarë që do ta pasurojnë programin. Programi do të pasurohet me folës nga Finlanda, Amsterdami, Universiteti i Grazit, Maqedonia e Veriut dhe nga Utah e Amerikës.
Në këtë akademi do të shtjellohen tema të rëndësishme dhe aktuale në fushën e stomatologjisë. Akademia Verore e bazuar në “Contemporary Approaches in Dentistry” do të shtjellojë temat që kanë të bëjnë me teknikat inovative në fushat e caktuara dentare, realitetin virtual në stomatologji, si dhe aplikimi i metodave bashkëkohore estetike në stomatologji./UBTNews/