Nënkryetarja e Lëvizjes Vetëvendosje, Fatmire Mulhaxha-Kollçaku ka reaguar pas marrëveshjes së Qeverisë në detyrë me Sindikatën e Bashkuar të Arsimit dhe Shkencës, për nënshkrimin e kontratës kolektive.
Mulhaxha-Kollçaku në Facebook shkroi se ky është premtim elektoral i Hotit.
“Hoti pas marrëveshjes me SBAShK-un: “Mësimdhënësit do të marrin edhe pagën e 13-të duke filluar nga viti 2023″.2023????!!!!Ec e besoji këtij premtimi elektoral nga dikush që i numëron sekondat e fundit aty ku është ulur, dhe që pritet të jetë humbësi më i madh i këtyre zgjedhjeve”, shkroi ajo në Facebook.
Hoti pas marrëveshjes me SBAShK-un: "Mësimdhënësit do të marrin edhe pagën e 13-të duke filluar nga viti 2023"…
Posted by Fatmire Mulhaxha Kollçaku on Friday, January 22, 2021
Qeveria e Kosovës ka arritur marrëveshje me SBAShK-un lidhur me shtesat që kanë kërkuar për shkak të pandemisë. E nga viti 2023 mësimdhënësit në Kosovë do të marrin edhe pagën e 13-të.
Kështu bëri të ditur kryeministri në detyrë, Avdullah Hoti në një konferencë për media, ku tha se me SBAShK-un janë dakorduar edhe për shujtën për mësimdhënësit dhe transportin. Të gjitha këto Hoti tha se do të jenë pjesë e marrëveshjes që do të nënshkruhet sot./UBTNews