Këshilli i Sigurimit i Kombeve të Bashkuara do të mbajë një takim urgjent të hënën në lidhje me pushtimin tokësor të Izraelit në Gaza, konfirmuan burimet diplomatike.
Emiratet e Bashkuara Arabe do të kërkojnë një rezolutë detyruese nga anëtarët e tjerë të Këshillit të Sigurimit për një “pauzë të menjëhershme humanitare” në luftime, njoftojnë burimet.
Takimi urgjent vjen pasi 120 vende votuan për një rezolutë të Kombeve të Bashkuara të premten, të prezantuar nga Jordania, përmes së cilës bëhet thirrje për “armëpushim të qëndrueshëm humanitar” në Gaza. Shtetet e Bashkuara janë një nga 14 vendet që votuan kundër rezolutës, me 45 vende që abstenuan.
Në këtë projekt-tekst të rezolutës së Këshillit të Sigurimit bëhet thirrje për “armëpushim të menjëhershëm humanitar” dhe “pauza të mëtejshme humanitare”./UBTNews/