Një çift në Nju Jork është arrestuar dhe po akuzohet për pastrimin e 4.5 miliardë dollarëve në fondet e vjedhura të kriptomonedhave.
Zyrtarët e zbatimit të ligjit kanë sekuestruar 3.6 miliardë dollarë nga këto fonde në atë që zëvendësprokurorja e Përgjithshme e SHBA-së, Lisa Monaco, e quajti “sekuestrimi më i madh financiar i departamentit ndonjëherë”.
Ilya Lichtenstein, 34 vjeç, dhe gruaja e tij, Heather Morgan, 31 vjeç, akuzohen se janë përpjekur të pastrojnë paratë e marra kur hakuan këmbimoren e kriptomonedhave Bitfinex më 2016.
Dyshja aktualisht po përballet me dy akuza: njëra për komplot për të kryer pastrim parash, që mbart deri në 20 vjet burg, dhe komplot për të mashtruar SHBA-në, i cili mbart deri në pesë vjet burg, sipas zyrtarëve të drejtësisë./UBTNews/