Një grup ekspertësh i Organizatës Botërore të Shëndetësisë do të mblidhen sot për herë të parë për të diskutuar rreth shpërthimit të lisë së majmunëve dhe do të vendosin nëse përbën emergjencë shëndetësore globale. Një deklaratë rreth takimit pritet të lëshohet të premten.
Rritja e rasteve të lisë së majmunëve është zbuluar që nga maji jashtë vendeve të Afrikës Perëndimore dhe Qendrore, ku sëmundja ka qenë prej kohësh endemike. Shumica e rasteve të reja kanë qenë në Evropën Perëndimore.
Shefi i OBSh-së, Tedros Adhanom Ghebreyesus ka mbledhur një komitet urgjence për të vlerësuar nëse shpërthimi përbën një emergjencë të shëndetit publik me shqetësim ndërkombëtar./UBTNews/