Një ish-komandant i grupit paraushtarak rus Wagner ka kërkuar azil në Norvegji pasi dezertoi nga grupi mercenar.
Andrey Medvedev, 26 vjeç, kaloi kufirin për në Norvegji të premten e kaluar, ku u ndalua nga rojet kufitare.
Ai aktualisht po mbahet në zonën e Oslos ku përballet me akuzat për hyrje të paligjshme në Norvegji, tha avokati i tij, Brynjulf Risnes, për BBC.
Risnes tha se klienti i tij u largua nga Wagner pasi ishte dëshmitar i krimeve të luftës në Ukrainë.
Roja Kufitare Norvegjeze konfirmoi për BBC se një burrë rus ishte arrestuar pasi kaloi kufirin 198 km të gjatë të vendit me Rusinë, por nuk dha detaje të mëtutjeshme për “shkaqe sigurie dhe privatësie”./UBTNews/