Një komandant i marinsave ukrainas që luftojnë në Mariupol ka apeluar për nxjerrjen nga bastioni i tyre i fundit në fabrikën e çelikut Azovstal, duke thënë se forcat e tij “mund të jenë përballë ditëve të tona të fundit, nëse jo orëve”.
Në një postim në Facebook, Serhiy Voluna nga Brigada e 36-të e Veçantë Detare tha se “armiku po na tejkalon 10 me një”.
“Ne apelojmë dhe i lutemi të gjithë liderëve botërorë që të na ndihmojnë”, shtoi ai. “U kërkojmë që të përdorin procedurën e nxjerrjes dhe të na çojnë në territorin e një shteti të palës së tretë”./UBTNews/