Gjykata Speciale ka kërkuar nga sekretari i OVL-UÇK-së, Faton Klinaku dhe avokati Tomë Gashi të paraqiten në policinë e EULEX-it në Fushë Kosovë.
Faton Klinaku tregoi se e telefonuan dhomat e specializuara të Gjykatës Speciale dhe i kanë kërkuar të nënshkruajë diçka.
“Më thirrën në telefon dhomat e specializuara të gjykatës speciale dhe më thanë ti flet gjermanisht por ju thashë po por nuk dua të flas, më thanë ti flet anglisht po thashë por nuk dua të flas. Më thirrni vetëm me përkthyes. Çka unë e kuptova, më thanë se duhet të nënshkruaj diçka.Ju e dini që ne nuk e njohim dhe kjo gjykatë speciale nuk ka më mandat.”, shkroi ai në Facebook./UBTNews