Kina të mërkurën refuzoi të komentojë zgjedhjet afatmesme në Shtetet e Bashkuara të Amerikës, duke vlerësuar se ato janë “çështje e brendshme” e vendit.
“Kina nuk do të komentojë zgjedhjet afatmesme në ShBA. Ato janë punët e brendshme të ShBA-së dhe rezultatet e zgjedhjeve do të vendosen nga votuesit amerikanë”, tha Zhao Lijian, një zëdhënës i Ministrisë së Jashtme, në një konferencë të rregullt për shtyp në Pekin.
Këtë vit, të gjitha 435 vendet e Dhomës së Përfaqësuesve, si dhe 35 vendet e Senatit, ishin në garë. Shumica e analistëve parashikojnë se republikanët do të marrin kontrollin e dhomës së ulët, por fati i Senatit ende nuk dihet./UBTNews/