Qyteti jugor i Kinës, Shenzhen, mbylli të hënën tregun më të madh të elektronikës në botë dhe pezulloi transportin publik pasi autoritetet vendosën bllokime në të gjithë lagjen në përgjigje të një numri të vogël rastesh me COVID-19.
Huaqiangbei, një zonë e ngjeshur tregtare ku shiten pajisje kompjuteri, pjesë të telefonave celular dhe mikroçipa, është ndër tri lagjet e vendosura nën një bllokim të detyrueshëm katërditor në rrethin Futian, sipas qeverisë së qarkut.
Banorëve në ato lagje u ndalohet të dalin nga shtëpitë e tyre, përveç testimit për COVID-19, të cilit u kërkohet t’i nënshtrohen çdo ditë deri të enjten.
Kina është një nga vendet e fundit në botë që ende zbaton masa të rrepta zero-Covid, të cilat mbështeten në mbikëqyrjen gjithëpërfshirëse digjitale, testime masive, karantina të gjera dhe bllokime të menjëhershme./UBTNews/