Ministri i Jashtëm i Kinës, Wang Yi, u ka bërë thirrje udhëheqësve të juntës së Mianmarit që të bisedojnë me kundërshtarët e tyre mes shqetësimeve për përshkallëzimin e dhunës dhe përkeqësimin e të drejtave të njeriut në vendin e Azisë Juglindore.
Wang është në Mianmar për vizitën e tij të parë që kur junta përmbysi qeverinë e zgjedhur në mënyrë demokratike të Aung San Su Kyi në shkurt 2021.
“Ne inkurajojmë të gjitha palët në Mianmar që të angazhohen në dialog politik brenda kornizës kushtetuese dhe ligjore dhe të rifillojnë procesin e transformimit demokratik”, tha Wang. Ai gjithashtu premtoi mbështetje dhe përsëriti shpresat për “stabilitetin politik dhe social” të Mianmarit.
“Kina i kushton vëmendje situatës në Mianmar dhe është e gatshme të vazhdojë të luajë një rol konstruktiv në mënyrën e vet”, tha ai. “Ne do të mbështesim së bashku përpjekjet e Mianmarit për të rivendosur ekonominë e saj, për të përmirësuar jetesën e njerëzve dhe për të siguruar të drejtat dhe interesat e njerëzve në nivelin bazë”./UBTNews/