Kina i është bashkuar Rusisë për të kundërshtuar zgjerimin e mëtejshëm të NATO-s, ndërsa të dy vendet po afrohen më shumë me njëra-tjetrën përballë presionit perëndimor.
Moska dhe Pekini lëshuan një deklaratë duke treguar marrëveshjen për një sërë çështjesh gjatë një vizite të Vladimir Putin të Rusisë për Lojërat Olimpike Dimërore.
Në të, Moska tha se mbështet qëndrimin e Kinës ndaj Tajvanit dhe kundërshtoi pavarësinë e ishullit.
Këto deklarata vijnë në mes të tensionit mbi Ukrainën. Ndonëse Rusia mohon se po planifikon të pushtojë.
Kremlini ka thënë se bisedimet mes liderëve, atë rus dhe kinez, ishin “shumë të ngrohta” dhe konstruktive.
Deklarata e gjatë e përbashkët e të dy vendeve akuzon NATO-n për përkrahjen e një ideologjie të Luftës së Ftohtë dhe gjithashtu thotë se ata janë të shqetësuar për paktin e sigurisë Aukus midis SHBA-së, Britanisë së Madhe dhe Australisë.
Ndërkohë Rusia tha se mbështet politikën e Pekinit “Një Kinë”, e cila pohon se Tajvani i vetëqeverisur është një provincë e shkëputur që përfundimisht do të jetë sërish pjesë e Kinës.
Megjithatë, Tajvani e sheh veten si një vend të pavarur, me kushtetutën e vet dhe udhëheqësit e zgjedhur në mënyrë demokratike./UBTNews/