Kina do të dhurojë tjetër ndihmë humanitare, në vlerë 10 milionë RMB (1.57 milion dollarë) për Ukrainën “bazuar në zhvillimin e situatës dhe nevojave aktuale”, tha të hënën Ministria e Jashtme kineze.
“Kina do të vazhdojë të luajë një rol konstruktiv në promovimin e de-përshkallëzimit të situatës në Ukrainë dhe është e gatshme të bëjë përpjekjet e veta për të kapërcyer krizën humanitare”, tha zëdhënësi i Ministrisë së Jashtme, Wang Wenbin, gjatë një konference të rregullt.
Kina ofroi ndihmën e parë humanitare, në vlerë 5 milionë RMB (790 mijë dollarë) për Ukrainën në fillim të këtij muaji./UBTNews/