Presidenti i Bjellorusisë, Alexander Lukashenko, një aleat i ngushtë i Rusisë dhe homologu i tij kinez, presidenti Xi Jinping, u takuan të mërkurën në Pekin. Ata kërkuan armëpushim dhe negociata për të sjellë një zgjidhje politike lidhur me konfliktin në Ukrainë.
“Thelbi i qëndrimit të Kinës është të kërkojë paqe dhe të inkurajojë bisedimet … dhe që shqetësimet legjitime të sigurisë të të gjitha vendeve të respektohen”, u citua të ketë thënë Xi nga transmetuesi shtetëror kinez CCTV.
Takimi përfundoi me miratimin e një propozimi kinez me 12 pika të paqes, që kërkon integritet territorial./UBTNews/