Forcat ukrainase kanë kthyer kontrollin e qytetit të dytë më të madh, Kharkiv, njoftoi guvernatori i Kharkivit.
Në një postim në Telegram, Oleh Synyehubov njoftoi se:“Kontrolli mbi Kharkivin është tërësisht i yni! Forcat e armatosura, policia, dhe forcat mbrojtëse po punojnë, dhe qyteti po pastrohet tërësisht nga armiku”.
Në orët e para të së dielës trupat ruse hynë në qytetin e dytë më të madh të Ukrainës. Videot që po qarkullojnë në rrjete sociale shfaqin pamje të luftimeve në rrugë mes trupave ukrainase dhe ruse.
Edhe qytetarët në Kharkiv i kanë thënë BBC-së se qyteti është kthyer nën kontrollin ukrainas./UBTNews/