Barrikadat në veri të vendit akoma nuk kanë lëvizur, ndërkohë që situata e përgjithshme e sigurisë aktualisht është e qetë.
Ushtarët italianë në kuadër të KFOR-it po qëndrojnë krejt pranë barrikadës te udhëkryqi afër shkollës teknike në veri të Mitrovicës.
Një helikopter i KFOR-it po ashtu po vëzhgon situatën nga ajri herë pas here, ndërsa edhe automjetet e EULEX-it janë duke qarkulluar shpesh në këtë zonë.
Ndryshe, pjesëtarët e Policisë së Kosovës vazhdojnë të patrullojnë nëpër zonat e banuara me popullatë të përzier në veri të Mitrovicës.