Një nga pinguinët më të vjetër në botë ka vdekur në moshën 40-vjeçare. Lajmin e konfirmoi Kopshti Zoologjik i San Franciskos. Ai jetoi përtej mesatares së parashikuar 20-30 vjet dhe kishte 26 fëmijë.
Kapiteni EO ishte pinguini magelanik më i vjetër në kopshtin zoologjik dhe një nga më të vjetrit nën kujdesin njerëzor kudo në botë.
Emrin ia vunë pas filmit të shkurtër të Michael Jackson që ishte atraksion për Disneyland në vitet 1980.
Pinguinët magelanik janë vendas në Amerikën e Jugut dhe kapiteni EO jetonte në San Francisko që nga viti 1984./UBTNews/