Kancelari gjerman Olaf Scholz tha të mërkurën se ai mbetet i përkushtuar për vazhdimin e bisedimeve të tij me presidentin rus Vladimir Putin që synojnë gjetjen e një zgjidhjeje paqësore për konfliktin në Ukrainë, sipas agjencisë gjermane të lajmeve DPA.
Presidenti francez Emmanuel Macron foli me Putin të martën. Kur u pyet nëse ai kishte gjithashtu plane të njëjta, Scholz iu referua bisedimeve të shumta të mëparshme me presidentët e Ukrainës dhe Rusisë, duke thënë se kjo ishte gjëja e duhur për t’u bërë.
“Sigurisht që do të vazhdoj. Por situata është ashtu siç është dhe nuk duhet të kemi iluzione për atë që po ndodh në këtë moment”, tha ai.
Presidenti rus është ende duke ndjekur një objektiv që është i papranueshëm dhe mashtrues, shtoi Scholz.
Paqja mund të fitohet vetëm nëse Rusia bie dakord të nënshkruajë një marrëveshje me Ukrainën, të cilën Kievi e mbështet.
“Një paqe e diktuar nuk do të funksionojë”, tha ai.
Kancelari e quajti situatën të pandryshuar, kërcënuese dhe dramatike dhe i bëri thirrje Putinit të përfundojë armiqësitë.
“Kjo luftë brutale e agresionit kundër Ukrainës është llogaritur plotësisht gabim nga Putini sepse ajo që ai tani merr është një NATO më e fortë, një organizim më i fortë sigurie, gjithashtu në vendet lindore të zonës së NATO-s. Ajo që ai ka është një BE të bashkuar dhe shumë vende në botë që veprojnë së bashku; demokracitë që kanë organizuar një pako gjithëpërfshirëse sanksionesh për ta bërë Rusinë të kuptojë se duhet t’i japë fund kësaj lufte”, tha ai./UBTNews/