Qeveria kanadeze ka premtuar afro 200 miliardë dollarë kanadezë (149 miliardë dollarë; 124 miliardë £) në financim gjatë dhjetë viteve për të ndihmuar sistemin shëndetësor të vendit.
Për muaj të tërë, spitalet e Kanadasë janë përballur me mungesë të stafit dhe pritje të gjata. Mediat e huaja raportuan se kishte pacientë që kanë vdekur në pritje të trajtimit.
Sistemi i kujdesit shëndetësor të Kanadasë financohet nga taksapaguesit për të ofruar qasje falas, universale në vizitat e nevojshme spitalore dhe mjekësore për të gjithë qytetarët dhe banorët e përhershëm.
Kryeministri Justin Trudeau u shpjegoi rreth fondeve kryeministrave provincialë të Kanadasë, të cilët e kanë shtyrë vazhdimisht atë të rrisë shpenzimet federale për kujdesin shëndetësor. Trudeau tha se qeveria e tij “po ndërmerr veprime sot në mënyrë që kanadezët të vazhdojnë të kenë besim në sistemin tonë publik”.
“Ky është një vend i madh, i ndërtuar mbi ide të mëdha progresive”, tha ai.
Kujdesi shëndetësor ka qenë shpesh një pikë krenarie në Kanada, por si në shumë vende të tjera, sistemi shëndetësor i Kanadasë është përballur me rritje të presionit që nga pandemia Covid-19./UBTNews/