Boris Johnson ka mohuar “kategorikisht” se ai ishte paralajmëruar se një festë me pije rrezikonte të shkelte rregullat e bllokimit.
“Askush nuk më paralajmëroi se ishte kundër rregullave”, tha kryeministri, duke shtuar se “do ta kisha mbajtur mend këtë”.
Ish-ndihmësi Dominic Cummings thotë se ai e paralajmëroi Johnsonin në atë kohë dhe e ka akuzuar atë se ka mashtruar deputetët për këtë, njofton Klan Kosova.
I pyetur nëse do të jepte dorëheqjen nëse zbulohej se kishte mashtruar deputetët, Johnson tha: “Le të shohim se çfarë thotë raporti”.
Nëpunësja e lartë civile Sue Grey do të publikojë një raport mbi shkeljen e mundshme të rregullave të COVID-19 në Downing Street dhe departamentet qeveritare.
Johnson gjithashtu i kërkoi falje publike Mbretëreshës për festat në prag të funeralit të burrit të saj, në prill të vitit të kaluar.