Kryeministri i Mbretërisë së Bashkuar, Boris Johnson, i tha presidentit ukrainas Volodymyr Zelensky gjatë një telefonate të martën se Ukraina mund të rimarrë territorin e pushtuar së fundmi nga Rusia, tha një zëdhënës i Downing Street.
“Kryeministri tha se bota qëndron prapa Ukrainës dhe ai besonte se ushtria e Presidentit Zelensky mund të rimarrë territorin e kapur së fundmi nga forcat e Putinit”, shtoi ai.
Johnson e përditësoi Zelensky-n për pajisjet më të fundit ushtarake të Mbretërisë së Bashkuar që po dërgohen në Ukrainë, përfshirë “10 sisteme artilerie vetëlëvizëse dhe municione bredhëse, të cilat do të mbërrinin në ditët dhe javët e ardhshme”, tha zëdhënësi./UBTNews/