Japonia do t’i ngrijë asetet edhe të 25 qytetarëve të tjerë rusë dhe do të ndalojë eksportin në 81 organizata ruse, njoftoi Ministria e Financave e vendit. Numri i përgjithshëm i rusëve që iu ngrinë asetet shkon në 101.
Të sanksionuarit janë Igor Shuvalov, një ish-zëvevendëskryeministër rus dhe kryetar i bankës shtetërore Vnesheconombank dhe pesë nga të afërmit e oligarkut Sergey Chemezov. Gjithashtu u ndalua edhe eksporti i mallrave luksoze.
Tokio ka njoftuar për një sërë masash ndëshkuese kundër Moskës javët e fundit. Sanksionet e fundit vijnë pasi kryeministri japonez, Fumio Kishida, u zotua të mërkurën se do të ofrojë më shumë mbështetje për Ukrainën në samitin e G7 në Bruksel./UBTNews/