Izraelitët protestuan të hënën kundër projekt-ligjit të qeverisë për reformën gjyqësore, i cili sipas tyre kërcënon demokracinë, ndërsa ligjvënësit janë gati për një votim kyç mbi rishikimin e diskutueshëm.
Demonstruesit nga i gjithë Izraeli zbritën në Jerusalem për t’u tubuar pranë parlamentit përpara leximit të parë të legjislacionit për të ndryshuar mënyrën e zgjedhjes së gjyqtarëve.
“Shteti është në rrezik”, tha Dvir Bar, një demonstrues 45-vjeçar nga Holon.
“Është një tentativë grusht shteti, për ta transformuar Izraelin në një diktaturë”, shtoi ai.
Ndërsa demonstruesit udhëtuan për në Jerusalem, rreth 4,000 prindër, studentë dhe mësues u mblodhën gjithashtu në Tel Avivin verior, sipas një korrespondenti të AFP.
Kundërshtarët argumentojnë se qeveria po bën një rrëmbim pushteti dhe dhjetëra mijëra protestues janë mbledhur në Tel Aviv për shtatë javë rresht për të protestuar kundër legjislacionit.
Ligjvënësit do të mbajnë votimin e tyre të parë më vonë të hënën mbi masat për të ndryshuar përbërjen e komisionit për të zgjedhur gjyqtarët./UBTNews/