Kryeministri i Izraelit të dielën u bëri thirrje prindërve që të vaksinojnë fëmijët e tyre kundër koronavirusit.
Ndërsa sot ata njoftuan se Shtetet e Bashkuara janë në listën e “ndalimit të fluturimit”, duke përmendur shqetësimet për përhapjen e variantit Omicron të COVID-19.
Në një fjalim televiziv, Naftali Bennett tha se numri i rasteve të variantit të ri mbetet relativisht i ulët – kjo falë lëvizjeve të mëparshme për të ndaluar të huajtë të hyjnë në vend. Megjithatë, ai tha se është vetëm çështje kohe para se numrat të fillojnë të rriten.
Bennett tha se ishte e rëndësishme për prindërit që të vaksinonin fëmijët e tyre. Izraeli muajin e kaluar filloi të ofrojë vaksina për fëmijët e moshës 5 deri 12 vjeç, por autoritetet thonë se shkalla e vaksinimit në atë grupmoshë mbetet zhgënjyese.
“Një prind që është vaksinuar tre herë duhet të mbrojë edhe fëmijët e tyre. Mos i lini fëmijët tuaj të ekspozuar dhe të pambrojtur ndaj omicronit”, shtoi Bennett.
Duke parashikuar një rritje të rasteve në javët e ardhshme, ai tha se qeveria po punonte për rekomandimet e reja të sigurisë.
Para se të merrte detyrën, Bennett kritikoi ashpër paraardhësin e tij, Benjamin Netanyahu, për vendosjen e bllokimeve që goditën rëndë ekonominë./UBTNews/