Kryeministri izraelit Benjamin Netanyahu ka thënë për Sky News se do të bëjë “çfarëdo që duhet të bëjmë për të mbrojtur veten” kundër Iranit – dhe diplomacia ka dështuar të ndalojë Teheranin të zhvillojë aftësitë e tij bërthamore.
Ai hodhi poshtë përpjekjet e SHBA-së për të zgjidhur krizën në rritje vetëm përmes dialogut.
“Unë nuk mendoj se diplomacia në vetvete do të funksionojë. Unë mendoj se diplomacia mund të funksionojë vetëm nëse shoqërohet me një kërcënim të besueshëm ushtarak ose gatishmërinë për të aplikuar opsionin ushtarak nëse parandalimi dështon”, tha ai.
“Irani është i përkushtuar hapur për të shkatërruar, për të përsëritur Holokaustin dhe shkatërrimin e gjashtë apo shtatë milionë hebrenjve të Izraelit dhe ne nuk do të rrimë duarkryq dhe t’i lëmë ata ta bëjnë këtë”, shtoi ai.
“(Nëse) këta Ajatollahë mendojnë se mund të na kërcënojnë me një holokaust bërthamor, ata e kanë gabim. Ne do të bëjmë gjithçka që duhet të bëjmë për t’u mbrojtur”./UBTNews/