Qeveria italiane thotë se po shqyrton, së bashku me atë të Emirateve të Bashkuara Arabe, ngritjen e një spitali fushor në Gaza.
Italia ka dërguar tashmë materiale humanitare në rajon në bordin e dy avionëve, ndërsa një anije e marinës me ndihma pritet të ankorohet në portin egjiptian të El Arish më 3 dhjetor.
“Pediatër nga vendet e tjera, duke filluar nga Katari … pritet të punojnë në anije”, tha qeveria në një deklaratë, duke shtuar se e gjithë ndihma ishte dërguar në marrëveshje me partnerët rajonalë dhe Izraelin./UBTNews/