Ish-presidenti rus Dmitry Medvedev të hënën tha se prodhimi ushtarak rus i armëve dhe pajisjeve po rritet, në një deklaratë në kanalin e tij Telegram.
Medvedev, një aleat i vendosur i presidentit rus Vladimir Putin, po reagonte ndaj raportimeve të fundit nga analistë perëndimorë të mbrojtjes që sugjeronin se Rusisë po i mbarojnë raketat dhe automjetet e blinduara që i nevojiten për të vazhduar pushtimin e saj në Ukrainë.
“Duke lexuar analitikën e armikut, kam hasur vazhdimisht në deklarata se pajisjet ushtarake dhe armët në Rusi së shpejti do të mbarojnë. Sikur gjithçka është përdorur tashmë”, tha Medvedev.
“Mos shpresoni! Prodhimi i armëve dhe pajisjeve speciale po rritet nga tanket dhe armët tek raketat dhe dronët me precizion të lartë. Vetëm prisni!” tha ai.
Medvedev shtoi se të hënën, pas udhëzimeve të dhëna nga Putin, ka pasur një kontroll të prodhimit të tankeve në korporatën Uralvagonzavod në Nizhny Tagil, e cila është prodhuesi më i madh rus i automjeteve të blinduara./UBTNews/