Bilaal Salaam, i njohur si Brother Bilaal dhe mik i vjetër i Will Smith, ka paditur Jada Pinkett Smith për 3 milionë dollarë, duke pretenduar se ajo e ka kërcënuar fizikisht sepse ai “po tregonte punët e saj personale”.
Sipas padisë, incidenti ka ndodhur më 25 shtator 2021 gjatë festës së ditëlindjes së Will Smith në Calabasas, ku Jada thuhet se ishte e shoqëruar nga ekipi i saj dhe i ka thënë Salaam se do të “zhdukej” ose “do ta merrte një plumb” nëse nuk nënshkruante një NDA.
Salaam pretendon se njerëz të lidhur me çiftin e kanë ndjekur dhe kërcënuar edhe më pas, sidomos pasi ai refuzoi të ndihmonte në menaxhimin e krizës pas goditjes së Chris Rock në Oscars.
Ai thotë se është kërcënuar edhe për shkak të një libri denoncues që po shkruan.
Në padi akuzon Jada-n për shkaktim të stresit emocional e dëme tjera, duke pohuar se deklaratat e saj publike përfshirë mohimin e pretendimeve të tij për Unwine With Tasha K—i kanë dëmtuar rëndë reputacionin, shëndetin dhe financat. /A.Z/UBT News/