Prokurori i Përgjithshëm i Iranit, Mohammad Jafar Montazeri, tha të enjten se parlamenti dhe gjyqësori i Iranit po e rishikojnë ligjin e hixhabit, sipas gazetës pro-reformës Entekhab.
Montazeri u citua të ketë thënë se policia e moralit është shpërbërë, por media shtetërore iraniane i kundërshtoi ashpër ato deklarata, duke thënë se ministria e brendshme mbikëqyr forcën, jo gjyqësorin.
Mbajtja e hixhabit në publik është e detyrueshme për gratë në Iran sipas ligjit të rreptë islamik që zbatohet nga e ashtuquajtura policia e moralit të vendit. Ligjet rreth mbulesës ndezën protesta mbarëkombëtare pas vdekjes së 22-vjeçares Mahsa Amini në paraburgim./UBTNews/