Irani të hënën lëshoi disa raketa duke shënjestruar bazën e një grupi opozitar kurd në mërgim në Irakun fqinj, duke vrarë një person dhe duke plagosur tetë të tjerë, thanë zyrtarët lokalë. Ky është sulmi i fundit në një seri sulmesh të tilla gjatë javëve të fundit.
Korosh Nosrati, një zyrtar i grupit opozitar që u vu në shënjestër, tha se tre persona u vranë. Saman Barzanji, ministri rajonal kurd i Shëndetësisë tha se numri i viktimave pritet të rritet.
Garda Revolucionare paraushtarake e Iranit konfirmoi sulmin dhe tha se ka shënjestruar bazat e “grupeve terroriste” me dronë dhe raketa, sipas agjencisë zyrtare të lajmeve të Iranit, IRNA.
Kryeministri kurd, Masrour Barzani dënoi sulmin, duke thënë se është një “shkelje” ndaj Irakut dhe sovranitetit të rajonit kurd./UBTNews/