Të dielën Irani njoftoi rreth një kontrate për ta furnizuar Rusinë me 40 turbina për t’i dalë në ndihmë industrisë së saj të gazit mes sanksioneve perëndimore ndaj luftës së Moskës në Ukrainë, njoftuan mediat lokale.
“Sukseset industriale të Iranit nuk janë të kufizuara në fushat e raketave dhe dronëve”, u citua nga Shana, agjencia e lajmeve e ministrisë së naftës, CEO i kompanisë iraniane të inxhinierisë dhe zhvillimit të gazit, Reza Noushadi.
“Aktualisht, 85 për qind e objekteve dhe pajisjeve që i nevojiten industrisë së gazit janë ndërtuar brenda vendit dhe bazuar në këtë, së fundmi është nënshkruar një kontratë për eksportimin e 40 turbinave të prodhimit iranian në Rusi”, shtoi ai.
Noushadi nuk ka specifikuar se kur është nënshkruar kontrata, dhe kur do të dorëzohen turbinat./UBTNews/