Një gjykatë në Iran ka dënuar me vdekje disidentin gjermano-iranian, Jamshid Sharmahd, me akuzën e “korrupsionit në tokë”, ka thënë gjyqësori.
Sharmahd, 67-vjeçar, i cili jetonte në SHBA, besohet se është rrëmbyer nga agjentët iranianë në Dubai në vitin 2020 dhe më pas është dërguar me forcë në Iran nëpërmjet Omanit.
Irani e akuzoi atë si udhëheqës të një grupi terrorist promonarkist. Ai i mohoi pretendimet dhe një grup i të drejtave të njeriut tha se ai u përball me një gjyq jashtëzakonisht të padrejtë bazuar në “rrëfimet e detyruara”./UBTNews/