Rusia tani po konsideron çdo anije në rrugë për në portet e Ukrainës si transportues të mundshëm të ngarkesave ushtarake pro-ukrainase.
Ukraina thotë se nga sot po miraton qasjen e kundërt – duke i konsideruar anijet që udhëtojnë drejt porteve ruse si transportues të pajisjeve ushtarake pro-ruse.
Këshilli i Sigurisë Kombëtare i SHBA-së u shpreh se inteligjenca amerikane ka treguar që Rusia ka vendosur mina shtesë detare pranë porteve të Ukrainës.
Zëdhënësi i Këshillit, Adam Hodge tha se Shtëpia e Bardhë beson se është pjesë e një përpjekjeje të koordinuar nga Rusia për të justifikuar sulmet e mundshme kundër anijeve civile në Detin e Zi dhe për të fajësuar Ukrainën për to./UBTNews/