Instagrami sot ka forcuar masat mbrojtëse për adoleshentët, kjo në prag të një seance dëgjimore në Senat ku do të diskutohet nëse aplikacioni është “toksik” për përdoruesit e rinj, përcjell UBT News.
“Çdo ditë shoh ndikimin pozitiv që Instagram ka për të rinjtë kudo”, tha shefi ekzekutiv Adam Mosseri në një postim. “Dua të sigurohem që të qëndrojë kështu, që do të thotë mbi të gjitha t’i mbash ata të sigurt në Instagram”.
Kompania mëmë e Instagramit, Meta, e cila gjithashtu mbikëqyr Facebook, po lufton me një krizë serioze reputacioni pasi një sinjalizuese zbuloi një sërë dokumentesh të brendshme që tregonin se drejtuesit ishin të vetëdijshëm për rreziqet që aplikacionet i shkaktonin mirëqenies së adoleshentëve, duke nxitur një shtytje të SHBA-së për rregullore.
Mosseri do të dëshmojë të mërkurën në një seancë të komisionit të Senatit të titulluar “Mbrojtja e fëmijëve në internet: Instagram dhe reformat për përdoruesit e rinj”./UBTNews/