Stacionet dhe infrastruktura hekurudhore është në shënjestër të forcave ruse në Ukrainë. Linjat hekurudhore janë thelbësore si për furnizime të reja ashtu edhe për evakuimin e civilëve në vendet kufitare, si Polonia.
Mëngjesin e së hënës pesë stacione në Ukrainën qendrore dhe perëndimore u përballën me zjarr, përfshirë edhe një pranë qytetit Krasne, afër Lviv-it, dhe dy në rajonin Rivne, sipas një postimi në Telegram nga kreu i Administratës Ushtarake Rajonale Rivne, Vitalii Koval.
“Armiku nisi dy sulme me raketa në infrastrukturën hekurudhore. Nuk ka viktima”, deklaroi ai mes tjerash.
Muajin e kaluar, mbi 50 njerëz – shumica civilë – u vranë si pasojë e një sulmi me raketa në një stacion hekurudhor në qytetin lindor të Ukrainës, në Kramatorsk.
Shtetet e Bashkuara të Amerikës, Bashkimi Evropian dhe Britania e Madhe kanë dënuar incidentin./UBTNews/